Iha preparasaun ba hasoru ijame terseiru período, eskola ESG. Lere Anan Timur Lospalos halo briefing ofisiál ne’ebé partisipadu husi 42 profesór iha sexta feira ne’e (14/11/20225). Objetivu briefing ida ne’e atu fó orientasaun konaba prosesu no tekniku ijame periodikal nian inklui orario ijame, orario vijilantes, dever, proibisaun no regulamentu ijame nian.
Iha reuniaun briefing ne’e, koordinator ijame ba terseiru período nian, Liliana Meol hateten katak prepasaraun ba ejame ne’e preparadu ona.
“ Pontos ijame no sala de ijame preparadu ona hein atu realizasaun ijame no husu ba manorin vijilante atu fó atensaun ba alunos ne’ebe seidauk selu propinas eskola, kumpri oras ijame nian, tama no sai tuir oras ne’ebe komisaun estabelese ona,” nia hateten.
Iha tempo hanesan diretór eskola ESG. LAT Lospalos Olandino da Costa Belo, L.Ap. informa ba manorin vijilantes katak ponto importante para ijame terseiru período ne’e bele la’o ho diak no sucessu mak pontualidade no disiplina.
“Iha ezame terseiru período nia laran, husu ba manorin vijilante sira tenki mai ho pontual tuir oras ijame nian no disiplina wainhira hala’o vijilansia iha sala laran, eskola la utoriza manorin vizilante husu lisensa iha tempo ijame , exeptu relasaun ho saúde ka familia uma laran mak kona dezastre,” diretór informa.
Responsavel máximu eskola ne’e mos akresenta konaba informasaun balun hanesan mudansa de tipo ijame, hetan apoiu ekuipamentu ICT no apelo para manorin hotu atu tuir formasaun konaba ICT no plataforma edukativa online iha eskola.
“ Bazeia inkontru ho diresaun Edukasaun munisipal, sei iha mudansa konaba total pontos ijame ne’ebe sei aplika iha periodo tuir mai, ba materia exata total 50 númerus no ba materia sosial total 60 números, iha tempo besik eskola sei hetan apoio ekuipamentu ICT husi nasionál nu’une eskola sei kria kondisaun sala nune’e, bele asegura no apela mos ba manorin sira nafatin tuir formasaun konaba ICT no plataforma edukativa online ne’ebe sei realiza depois ijame terseiru periodo ne’e remata ,” responsavel máximu ne’e akresenta.
Etretantu ijame terseiru período ne’e sei realiza durante semana ida hahu husi segunda feira loron 17/11/2025 to’o sabadu loron 22/11/2025. Total partsipantes ijame hamutuk atus haat tolu nulu resin haat (434) kompostu husi estudantes 100 ano hamutuk ema nain atus ida hitu nulu resin ualu (178) no estudante 110 ano hamutuk atus rua lima nulu resin neen (256) .Husi total 434 esdudantes sei koloka 15 salas no ijame hahu husi tuku 08.00 OTL to’o remata.
*
Hakerek Textu : Ekipa ESG. LAT Lospalos
