Hela loron tolu (3), finalista husi eskola Pré-secundaria, eskola secundária, no eskola tecnico vokacional iha teritória nasional realiza ijame nasionál 2025, nu’une molok hasoru ijame nasionál, Eskola Secundária Geral (ESG) Lere Anan Timur Lospalos hala’o limpeza jeral iha areadores eskola iha quinta feira ne’e ( 16/10/2025 ).
Iha aktividade ne’e , estudantes hamutuk ho manorin nain sira, pessoál administrasaun, no estudante estajiado husi Univesidade Nacional Timor Lorosa’e (UNTL) , hala’o limpeja, aruma mobiliario eskola no hamos sala de aula, hodi garante ambiente ne’ebe mós no saúdavel durante prosesu ijame nasionál la’o.
Resposavel estudante eskola ESG. LAT Lospalos Marliani da Silva hateten limpeza jeral ne’e ho intensaun, molok atu hahu ijame nasionál, professores hamutuk ho estudante sira halo aktividades limpeja no aruma meja, kadeira iha sala de aula ne’ebe sira sei utilija ba ijame .
“ Estudante finalista hamos sala de aula , aruma kadeira ne’ebe atu uza ba ezame nasional, no estudantes 100 ano, estudante 110 ano hamutuk ho manorin sira hamoos areadores eskola nian “ nia dehan.
Nia hatutan eskola sei fahe orario ijame nasionál no distribui kartaun ijame nasionál nian, depois limpeza jeral remata.
“ Wainhira limpeza jeral hotu , eskola liu husi diretur da turma sei sosializa konaba regra ijame nasionál nian , distribui orario ijame nasionál no mos fahe kartaun ijame ba estudante finalista sira “ tenik nia.
Aliende ne’e diretur eskola LAT Lospalos Olandino da Costa Belo, L.Ap. informa, total finalista ne’ebe atu tuir ijame nasionál ne’e, iha ema nain 259 no kada sala másimu priense estudantes ema nain 20, nu’une sei prezija sala de ijame hamutuk 14.
“ Sala ne’ebe uza ba ijame nasionál hamutuk 14 ne’e, husi total estudante finalista programa Ciências e Tecnologias (CT ) hamutuk ema nain 183 fahe ba salas 10, no estudantes husi programa Ciências Sociais e Humanidades (CSH ) hamutuk 76 fahe ba salas 4 ,”nia informa.
Responsavel másimu eskola ESG LAT Lospalos ne’e akresenta katak aktividade ne’e, bele fó motivasaun ba estudante finalista sira atu hasoru ijame nasionál iha tinan ida ne’e.
“ Espera liu husi aktividade ne’e bele motiva estudante finalista sira hodi hasoru ijame nasionál ho konfiansa “ nia hatutan.
Entertantu tuir orario kalendario ba ijame nasionál husi Ministériu Edukasaun ba períodu tinan ida ne’e, finalista sira sei hahu ijame nasionál no ijame lokal ne’e durante semana ida, hahu segunda feira loron 20 ate segunda feira loron 27 fulan outobru tinan 2025.
Hakerek textu : Ekipa ESG. LAT Lospalos
