Eskola Sekundária Geral (ESG) Lere Anan Timur Lospalos, konsege okupa terseiru lugar iha nível nasional iha Ezame Nasional períodu 2025. Rezultadu ida ne’e hatudu katak eskola ne’e iha vontade boot hodi kompete ho eskola sira seluk iha territóriu nasional.
Maski kondisaun fasilidade eskola nian limitadu tebes, profesór sira kontinua halo esforsu boot atu hanorin no orienta estudante sira. Nune’e kada tinan, ESG Lere Anan Timur bele hetan klasifikasaun diak iha nivel nasional.
Iha tinan 2025, total estudante finalista ESG Lere Anan Timur hamutuk atus rua lima nulu resin sia (259) . Husi total ida ne’e, iha estudante ida ho naran Nencio dos Santos Hornay ne’ebé okupa terseiru lugar iha nível nasional. Rezultadu ida ne’e reflete esforsu hamutuk entre eskola, inan-aman no liuliu profesór sira ne’ebé kontinua fó apoiu akademiku ba estudante sira.
Diretór ESG LAT Lospalos Olandino da Costa Belo, L.Ap. apresia no orgulho ba estudante ne’ebe hetan klasifikasaun diak no hein katak sai motivasaun ba estudante sira seluk atu aprende no hadia sira nia prestasaun akademiku.
“Ami apresia no orgulhu loos ho rezúltadu ne’ebé ami nia estudante sira hatudu . Ami agradese tebes ba inan-aman sira, inklui estudante sira mos, tanba bele hamorin eskola nia naran iha nível nasional. Maski fasilidade no profesór sira iha limitasaun, ami hamutuk halo esforsu hodi hetan rezúltadu ida ne’e,” diretór ESG. LAT Lospalos hateten.
Estudante ne’ebé okupa terseiru lugar iha nível nasional Nencio dos Santos Hornay kontente ho rezultadu ne’ebe nia atinji.
“Bainhira hau rona rezúltadu husi nasional katak hau hetan 3o lugar, hau sente kontente loos tanba bele atinji rezúltadu ne’ebé hatudu hau nia esforsu durante tinan tolu nia laran,” nia dehan.
Nia mos hateten tanba prepara ba Ezame Nasional, nia hasoru difikuldade iha gestaun tempu, tanba presiza halo revisaun materia husi 10o ano to’o 120 ano no nia mos gosta tuir atividade ekstra-kurikular. Maski nune’e, nia konsege fahe diak nia tempu no atinji rezúltadu di’ak.
Atualmente, ESG Lere Anan Timur iLospalos ha sala aula 11 de’it, menos profesores, la iha fasilidade laboratóriu, iha sala informatika no biblioteka mas nia kondisaun mínimu. Maski nu’une la hamate vontade profesór no estudante sira atu kontinua kompete iha nível nasional.
*
Hakerek textu : Ekipa LAT Lospalos
Parabnsss alin nafatin avansa ba oin
Obgd
Parabenz qrdofilho Nencio bnitho… sucesso sempre no estudo,, o sei futuro brilhante como Aurora.
Paraben’s oan Nensio dos Santos Hornay nb hetan resultado EXame Nacional 3 lugar Iha Nivel Nacional no Hetan 1 lugar Iha Nivel Municipio.Bom Sussesu.GBU
Parabéns Alin Nensio dos Santos Hornai neebe hetan Resultadu Ezame Nasional iha 3° lugar IHA nível território Nasional
Bom estudu e bom susesu no hein etapa tuir Mai IHA estudu universidade e bom estudo no futuro oin Mai
Dala Ida parabéns Alin Nensio dos Santos Hornai
Obgd
Obgd
Paraben’s ba oan Nensio dos Santos Hornay nb hetan 3 lugar Iha Nivel Nacional no hetan 1 lugar Iha Nivel Municipio .Bom Sussesu.GBU
obgd
Paraben’s oan Nensio dos Santos Hornay nb hetan resultado EXame Nacional 3 lugar Iha Nivel Nacional no Hetan 1 lugar Iha Nivel Municipio.Bom Sussesu.GBU
Parabens ba LAT Lospalos.
obgd