Escola Secundário Geral Lere Anan Timur Lospalos ( ESG. LAT Lospalos) hala’o misa agradesimentu hodi selebera loron aniversáriu eskola Lere Anan Timur Lospalos nian ba dala 10, iha parokia São Paulo Lospalos munisipiu Lautem, iha Tersa feira ne’e (11/11/2025).
Iha misa agradesimentu ne’e amo selebrante Padre Venancio Fatima Freitas, SDB. husu ba estudantes no manorin sira atu husu tulun ba nai maromak no espiritu santu nian hodi nu’une bele akompaña esforsu hotu ne’ebe ita halo tamba maromak mak matenek liu iha mundo.
” Tau maromak nia intervensaun iha ita nia esforsu sira, rekoñese maromak tamba São Paulo espirito santo mak hun ba sabedoria hun ba matenek, maromak mak matenek iha mundo, tamba ita la husu matenek maromak nian no espiritu santu nian dala ruma ita nia esforsu sira ne’e sia – sia de’it ka saugati de’it, tamba ne’e keta haluha husu espiritu santu nia diak ba estudante sira. Ne’e duni ba estudante sira atu haka’as aan atu aprende iha imi nia eskola.” amo heteten iha nia homilia.
Diretor ESG LAT Lospalos Olandino da Costa Belo, L.Ap. konfirma katak selebrasaun loron aniversariu eskola Lere Anan Timur ba dala 10 ne’e profesor no estudante sira sei kontinua hala’o idak-idak nia knaar hodi hanorin estudante sira atu sai ema ne’ebe kualifikadu.
” Ohin amo nia homilia enkoraza ami mestri sira ho estudante sira atu idak-idak hatene nia obrigasaun, nia direitu no dever nu’une too tempu ida profesor ida halo ninia ho lolos , estudante sira mos hala’o knaar ho lolos nu’une iha tempu ida estudante sai kualifikadu mai husi profesor ne’ebe kualifikadu.” dehan diretór hafoin sai misa.
Iha fatin hanesan estudante Fabrizo Mael Pinto sente kontente no orgulu ba profesor sira nia esforsu ne’ebe durante ne’e hala’o iha eskola refere hodi hanorin estudante sira atu sai ema.
” Ami nudar estudante ami sente kontente tamba ami halo aniversáriu eskola nian ba dala 10, nudar finalista durante tinan 3 eskola iha ne’eba ami akapta ona mestri sira hanorin ne’ebe sempre motiva ami nafatin ami atu sai ema ne’ebe diak , ami mos sente orgulu no agradese ba metri sira,” nia agradese.
Aniversáriu eskola LAT Lospalos lolos monu iha loron sia (9) fulan Novembru, tanba kestaun tempu selebrasaun aniversáriu realiza iha loron ne’e (11/11/2025.
Entretantu iha misa agradesimentu ne’e hetan partisipasuan husi estudante sira husi eskola Secundário Geral Lere Anan Timur Lospalos ho nia profesores sira hotu.
*
Hakerek textu: Ekipa ESG. LAT Lospalos
my former school ESG LAT agr mais avancado do que dantes….parabens to 10 years old.