Estudante finalista Eskola Sekundaria Jerál Lere Anan Timur prontu ona atu partisipa ezame nasionál ne’ebé sei realiza iha tempu besik.
Diretor adjunto ESG Lere Anan Timur Carlito Gonzaga hateten, estudante finalista ESG. Lere Anan Timur hamutuk atus rua nennulu resin rua (262) prontu ona atu tuir ezame nasionál ne’ebé sei realitas iha dia 20 fulan outubru tinan 2025 mai.
“ Atu hasoru exame nasional ne’e, ami sosializa ona oinsa pinta ka preense dados iha folha da resposta, estudante finalista sira komesa badinas tuir revisaun konaba materia 10o no 110 ano nian, Sira mos resolve pontos ezame nasional tinan anterior”, dehan Carlito Gonzaga iha knaar fatin tersa feira (09/09/2025) ne’e.
Nia hatutan eskola mos komesa hala’o ona aprezentasaun matriz ne’ebé prepara husi Ministériu Edukasaun inklui aula estra ba materia ne’ebé atraza.
Iha fatin hanesan Estudante husi klasse 12o ano programa Ciensia Teknolojia turma A ,Nencio Hornay hateten prontu ona atu hasoru ezame nasionál iha tempu besik.
“Para hasoru exame nasional ha’u halo preparasaun liu husi halo revizaun, estuda hamutuk ho kolega sira no konsulta professor sira wainhira iha materia balun ne’ebé hau seidauk komprende no ha’u hakarak hetan resultadu diak atu nune’e bele loke oportunidade ne’ebé luan hodi kontinua ha’u nia estudo iha area ne’ebé ha’u interese,” nia afirma.
Estudante finalista nain 262 ne’ebé atu tuir ezame nasionál kompostu husi feto nain atus ida neen nulu resin ida (161) no mane nain atu ida resin ida (101),entrentantu tuir kalendariu edukasaun ezame nasionál sei realiza iha loron 20 fulan outubru tinan 2025.
Hakerek Textu : Sudaryatin
Editor : Formador JPD SECOMS
