Escola Secundária Geral (ESG) Lere Anan Timur Lospalos realiza serimonia isar bandeira iha loron 29 fulan Setembru tinan 2025 iha resintu eskola, segunda feira ne’e (29/09/2025)
Iha diskursu, Diretur sesante ESG LAT Lospalos Selestino Soares, L.Ed. apela ba estudante sira atu mantein orden no sentidu ba bandeira nasionál hodi fo onra eroi libertasaun nasionál.
“ Fó honra ba bandeira, tanba luta-nain sira ne’ebé sakrifika hela nia vida, sosa ho ran atu defende bandeira ne’e, nune’e, la bele halimar iha tempu isar bandeira, ita hotu-hotu tenki fó atensaun másimu, no sai hanesan ezemplu di’ak., liu husi atividade isar bandeira ne’e espera bele hametin sentimentu nasionalismu ba nasaun ne’e, forma disiplina no responsavel ba ita hotu, liu-liu ba estudante sira mak hanesan futuru ba nasaun”, dehan inspetor serimonia.
Diretor sesante mos husu ba estudante finalista sira atu kompleta dokumentu sira eskola ne’ebe maka seidauk iha hanesan fotografia no sosializa mos ba estudante sira oinsa atu priense folla ezame tuir padraun ne’ebé iha ona.
“Hasai fotografia atu taka ba diploma ba estudante finalista nu’une entrega osan ho montante $ 2.00 kada estudante, parte kurrikulu hamutuk ho diretur adjuto sei realiza sosialisaun konaba pinta iha folha ezame semana oin mai, nune’e hameno ba estudante finalista sira para prepara material ne’ebe persija hanesan lapiz, boracha no regua ezame”, tenik nia.
Nia afirma bazeia inkrontu ho inan-aman, estudante iha dever atu selu osan propinas hodi selu fali manorin kontratadu liu liu ba estudante finalista sira atu kompleta molok ezame nasionál.
Ikus liu inspetor serimonia ne’e husu mos ba estudante 120 ano atu estuda nafatin, kuidadu saude nafatin to’o ezame nasional realiza no fó hanoin mos ba manorin sira, liu-liu manorin ne’ebe hanorin estudante 120 ano atu kontinua nafatin prosesu aprendizajen maske materi hotu ona no halo revisaun ba materia ezame nasional.
Responsavel ba isar bandeira iha loron ne’e kompostu husi estudante 120 ano no estudante ne’ebe foin dadauk tuir kompetisaun koru.
Isar bandeira ne’e hahu tuku 08.00 oras Timor Leste no partisipa husi manorin sira, servisu administrasaun, seguransa no estudante sira.
*
Hakerek textu : Ekipa LAT Lospalos
parabens ba professora
Obgd