Estudante no manorin husi eskola ESG. Lere Anan Timur Lospalos simu SIM CARD gratuita husi kompania telekomunikasaun Timor Telecom iha kuarta feira ne’e (11/03/2026 ).
Representante husi kompanhia Timor Telecom , Esterlino da Costa Tilman, hateten katak programa ida ne’e parte husi responsabilidade sosial kompanhia nian atu suporta Timor Leste iha setor edukasaun.
“ Ami iha responsavel atu suporta iha setor edukasaun, nu’une ami fahe SIM CARD estudante ne’e gratuita. SIM CARD estudante TT ne’e diferente ho SIM CARD seluk, ne’ebe waihira ense pulsa $1 .00 sei hetan bonus $ 1.00 to’o dala lima (5) no wainhira ativu internet bele validu loron 2,” representante TT hateten.
Nia akresenta espera SIM CARD TT ne’e bele ajuda estudante sira asesu ba internet hodi buka materia ka informasaun ne’ebe sira persija.
“ Ho velosidade rede ne’ebe diak espera bele fasilita estudante sira hodi buka materia ka informasaun ne’ebe sira persija iha tempu aprendizajem no fasil ba sira atu kontaktu ba malu tamba ne’e gratuitu entre numeru TT ,” nia akresente.
Sorin seluk, estudante ESG. LAT Lospalos , Felisberto da Costa, ne’ebe simu SIM CARD estudante agradese ba kompanhia Timor Telcom no espera SIM CARD ne’e bele fasilita iha tempo aprendizajem.
“Ami hato’o agradese ba Timor Telecom tamba fó SIM CARD gratuitu mai ami estudante no wainhira rona esplikasaun husi pessoal TT konaba SIM CARD nia vantagen , hau hare ne’e diak tebes atu bele ajuda ami halo tarefa iha tempo aprendizajem tanba ami nia materia balun uza ona plataforma online “ nia dehan.
Estudante ne’ebe simu SIM CARD ne”e tenke hatudu kartaun identidade hanesan kartaun Eleitoral ka Bilhete Identidade (BI ) estudante nian ka inan-aman ninian.
Entretantu total estudante no manorin husi ESG. LAT Lospalos ne’ebe simu SIM CARD husi kompanhia Timor Telecom hamutuk ema nain atus ida hitu nulu resin hitu (177).
*
Hakerek textu : Ekipa ESG. LAT Lospalos
