Estudantes ESG. Lere Anan Timur Lospalos priense buletin ba asesu Universidade Nasional de Timor Lorosa’e (UNTL) depoiz simu resultadu ijame nasional iha sexta feira ne’e (19/12/2025 ). Estudante ema nain 5 ne’ebé nia valor prienxe ba kriteriu kestiona konaba opsaun ba Departementu Engenharia Civil la eziste iha buletin ne’ebé husi parte UNTL envia ba eskola.
Koordinador Ensinu Superior Munisipiu Lautem Marlito do Carmo Santos hateten asesu UNTL no IPB ne’e depende valor no konaba opsaun primeiru ba Engenharia Civil la eziste iha buletin tamba fallansu tekniku
“ Estudante ne’ebé asesu ba UNTL nia valor minimu 46 ba leten no selesaun ba rezime jerál ne’e makina mak sei halo. Konaba departementu Engenharia Civil mak la eziste iha buletin ne’e tamba falla husi tekniku no só Eskola Lere Anan Timur Lospalos deit mak detekta ne’ebé ami resolve ona, estudante ne’ebé nia valor priense ba kriteriu bele priense fila fali iha buletin ezemplu ne’ebé foin dadauk sira priense iha tempo treinu,” Koordinador Ensinu Superior ne’e hateten iha edifisiu Edukasaun Munisípiu Lautem.
Nia mos akresenta maske prienxe iha buletin ezemplu sei la impaktu ba resultadu no fin de Janeiru sei fó sai resultadu
“ Maske estudante priense iha butetin ezemplu ne’e la fó impaktu ba resultadu ikus ne’ebé makina nafatin bele detekta no resultado konaba asesu UNTL no IPB ne’e sei fó sai iha fin de Janeiru ne’ebé estudante sira nia naran sei taka iha Diresaun Munisípiu ka fahe fali ba kada eskola,” nia akresenta.
Iha fatin hanesan Diretór Edukasaun Munisípiu Lautém Anibal Fernandes, L.Th. apelu ba estudante ne’ebé liu iha asesu UNTL ka IPB para labele rezigna an iha dalan klaran.
“ Husu ba Lautem oan sira ne’ebé orsida liu iha UNTL labele rezigna an iha dalan klaran tamba bele tama iha UNTL ne’e hanesan oportunidade diak, baratu tamba fulan ne’en só selu deit $30.00 no ita hatene katak rekruta professores Bolsu Kandidatu (BK) maristra número 1 mai husi UNTL ne’e hatudu katak UNTL kapasita ema ka rekursu diak atu fornese ba edukasaun ,” Diretór Edukasaun Munisípiu Lautém hateten.
Entretantu husi total estudante ESG LAT Lospalos ne’ebé passa iha ijame nasionál hamutuk atus rua lima nulu resin tolu (253) , estudante atus ida tolu (103) mak hakarak asesu ba UNTL ka IPB . Estudante 103 ne’e kompostu husi estudante programa CT ema nain 84 no husi programa CSH ema nain 19.
*
Hakerek textu : Ekipa LAT Lospalos
