Ijame nasionál no lokal periodo 2025 ne’ebé, realiza hahu husi loron 20 to’o 27 fulan Outobru ne’e, la’o diak maske iha failansu tekniku balun maibe konsege finalija ijame.
Diretur eskola ESG. Lere Anan Timur Lospalos Olandino da Costa Belo, L.Ap. hateten ijame nasionál no ijame lokal lao kontroladu no la iha problema entre estudantes finalista, ho profesores sira .
“ Ijame rua (2) ne’e la’o diak no susesu tamba iha kooperasaun ne’ebe diak tebes entre estudante finalista ho professor vijilantes sira, maske iha failansu tekniku balun, hanesan pontus de ijame balun repetidu, pontus balun la koresponde ho matiz no naran ka data moris estudantes nian la hanesan ho naran ne’ebe eskola enkaminia ba iha nasionál, maske ho difikuldade hirak ne’e, parte eskola hamutuk ho estudantes sira nafatin iha vontade hodi finalija ijame refere, “ nia hateten.
Molok estudante finalista sira fila ba uma, koordinator ijame nasionál, no lokal ne’e avija ba sira katak, sei iha aktividade iha eskola no sei halo despedida konjunta.
“Tuir orientasaun husi diresaun edukasaun, estudante finalista hotu-hotu sei iha prejensa iha eskola, husi loron 04 fulan Novembru 2025 sei mai eskola atu halo atividade estra kurikular atu sai hanesan sira nia lembransa ba Eskola maka hanesan, kuda ai horis, atividade desportiva no aktividades sira seluk, tamba Liu husi aktividades hirak ne’e, atu reforsa valor Ezame lokal nian, wain hira sira nia valor la diak , no sei halo preparasaun ba despedida konjunta tinan ida ne’e, ne’ebe husi diresaun sei mai orienta estudante sira molok husik eskola, “ nia informa.
Etretantu atividade aban mak priense formatu asesu Universidade Nasionál Timor Lorosa’e (UNTL) ba estudante finalista programa Ciências e Tecnologias no programa Ciências Sociais e Humanidades (CSH).
Aliende ne’e, ijame nasionál no lokal ne’ebe finalija ona ne’e, Estudante finalista nain tolu (3) maka la partisipa iha ijame Nasionál tamba kondisaun saúde la premite, sei partisipa ijame segunda chamada iha servisu edukasaun munisipál Lautem iha loron 4 fulan Novembru tinan ne’e to’o remata.
*
Hakerek Textu : Ekipa LAT Lospalos
