MANORIN ESG. LAT LOSPALOS TUIR FORMASAUN FELLOWSHIP STUDY ON TECHNOLOGY-BASED LEARNING MEDIA IHA JAKARTA INDONESIA

Atu hasa’e kualiadade manorin Timor Leste iha area teknologia no inovasaun digital, Ministério Edukasaun liu husi Diresaun Nasionál Ensino Secundário Geral ( DNESG ) servisu hamutuk  ho Instituto Nacional de Formação de Docentes e Profissionais da Educação (INFORDEPE), haruka  manorin nain rua nulu resin tolu (23) partisipa iha Workshop no Fellowship Study on Technology-Based Learning Media ne’ebé hala’o iha SEAMOLEC Jakarta, Indonésia, husi loron 1 to’o 5 Dezembru 2025.  

Workshop ida ne’e hetan konsiderasaun boot tanba nia kontribui atu hadia pratika pedagójiku, integra Inteligénsia Artificial (AI), no fó  transformasaun digital iha sistema edukasaun Timor-Leste

Mnaorin nain 23 ne’e lidera husi Vice-Presidente Gabinete Peskuisa, Dezevolvimentu, Monitorizasaun no Avaliasaun (GPDMA-INFORDEPE), Dr. Sebastião de Oliveira, partisipa iha programa importante ho SEAMEO  Regional Open Learning Centre (SEAMOLEC) iha Jakarta, Indonésia.

Iha abertura Vice-Presidente Gabinete Peskuisa, Dezvolvimentu, Monitorizasaun no Avaliasaun (GPDMA-INFORDEPE), Dr. Sebastião de Oliveira hateten Misaun ida ne’e konsentra ba fortalecimento kapasidade formador, profesór no ofisiál edukasaun sira, liuhosi programa rua ne’ebé fó oportunidade foun ba integrasaun Inteligénsia Artificial (AI) no aprendizajen digital iha sistema edukasaun Timor-Leste.

“Programa uluk, Workshop Regional “Teaching in the Age of AI: From Awareness to Innovation”, reúne delegadu husi nasaun membru SEAMEO 11 atu fó literasia AI, pratika hanorin inovador no troka esperiénsia pedagójiku. Timor- Leste    representadu ho delegadu   22.  Programa segundu, Comparative Study   and   Training   Program, nia objetivu atu hadi’a  prontidaun recursu humanu iha aprendizajen online no integrasaun AI ba prosesu hanorin. Formador no profesór sira Timor-Leste mak partisipa iha treinamentu ida ne’e, “ Vice-Presidente GPDMA- INFORDEPE hateten.

Dr. Sebastião de Oliveira hatutan katak transformasaun digital no AI sai prioridade iha INFORDEPE ba tinan 2026–2028, no parseria ho SEAMOLEC  fó oportunidade boot atu aprende hosi instituisaun  aumenta qualidade edukasaun nasional.

Iha fatin hanesan, Gerstór Interinu ba Divizaun Parceria Komunidade, Marketing no Publikasaun  SEAMOLEC , Nurhajati, iha nia diskursu hateten katak espera liu formasaun ne’e bele responde nesesidade  manorin Timor Leste  iha area Teknologi  digital  liu-liu integra AI iha presesu aprendizagem nia laran.

“ Ita sei aprende  hamutuk durante loron lima (5)  nia laran no espera bele fó benefisiu  ba manorin sira hodi hasa’e  kapasidade iha integrasaun teknogia AI ba prosesu  aprendizagen, nu’une manorin sira bele halo modulu apredizagen ne’ebe interativu no inovativu no ikus objetivu aprendizagem bele atingi  ho máximu  , “ Gerstór Interinu ba Divizaun Parceria Komunidade, Marketing no Publikasaun  SEAMOLEC  ne’e hateten.

Etretantu partisipantes husi workshop ne’e hamutuk ema nain rua nulu resin tolu (23) kompostu husi manorin secundaria ema nain sia (9) , formador  husi INFORDEPE  ema nain ualo (8) no pessoál husi DNESG ema nain neen (6), enkuantu husi manorin nain 9, manorin ida  husi ESG Lere Anan Timur maka  Sudaryatin .

*

Hakerek Textu : Ekipa LAT Lospalos