Atu hasa’e kualidade manorin iha Timor Leste, Ministériu Edukasaun (ME) servisu hamutuk ho Instituto Nacional de Formação de Docentes e Profissionais da Educação (INFORDEPE) no Southeast Asian Ministers of Education Open Learning Centre (SEAMOLEC) abertura formasaun ba manorin sira ho topiku “ Innovative Teacher Training to Empower Creative and Interactive Digital Learning,” iha tersa feira ne’e (28/10/2025 ) iha salaun INFORDEPE, Dili.
Secretário de Estado para Escola Secundaria Geral (ESG) no Escola Secundária Tecnico Vocasionál (ESTV) Dr. Domingos Lopes Lemos iha nia diskursu hateten katak persija muda mentalidade professor liu husi utiliza tecnologia multimedia iha prosesu aprendizagem.
“ Iha eskola ida-ida organiza professor sira para tau importánnsia ba teknolojia multimédia tanba ne’e, sai fator ida atu bele muda mentalidade hodi adapta husi situasaun rai seluk, Secretário de estadu ba ESG no ESTV sei iha plano ba tinan oin mai atu foti eskola 2 ka 3 sai eskola pilotu ne’ebe uza sistema online iha inisiu matrikulasaun ba ijame final, tamba ne’e husu professor atu aproveita no aprende ho diak ba formasaun ne’ebe, durante loron 3 ne’e nune’e, bele habelar ba professora sira seluk,” Sr. Domingos hateten.
Presidente Infordepe Domingos Martins informa objetivu husi formasaun ne’e, atu kapasita manorin sira nune’e bele integra teknolojia iha prosesu aprendizagem.
“ Objetivu husi formasaun ne’e atu enfrenta tranformasaun dijtál iha mundu edukasaun, hasa’e komprensaun atividade manorin sira hodi kombina ka integra teknolojia dijitál iha prosesu aprendizajem combativu, durante loron 3 manorin hetan oportunidade atu aprende, no haklaken aktivativus plataforma dijitál hanesan zoom, canva , padlet , google form, no google classroom, liu husi formasaun ida ne’e sira bele dezenhem ida-idak nia medida aprendizagem dijitál rasik, no bele halo avaliasaun, organiza aula dijitál, no aplika modelu aprendizajem interativu bazeandu ba feedback classe,” nia hateten.
Iha tempu hanesan reprezentante husi SEAMOLEC Aggry Tiharapitra informa katak sei fahe nia esperiensia oinsa utiliza ICT ka tool digital iha sala de aula.
“Iha loron 3 ba oin ita sei estuda kona ba benifisiu husi ICT no tools dijitál ba dezenvolvimentu clase ne’ebé interativu, aproveita google classroom ba clase online no kria custom ida, priense ita nia clase ho konten sira kona ba prosesu aprendizajen, video animasaun ho teknolojia Artificial intelligence (AI), kuiz interativu no utilizasaun métodu foun iha dezenvolvimentu clase online,“ nia informa.
Entretantu formasaun ne’e hala’o durante loron 3 hahu husi loron 28 to’o 30 fulan Outobru tinan ida ne’e, no hetan partisipa masimu husi manorin sira husi sekundária husi 13 munisipiu inklui RAEOA hamutuk ema nain 24, enkuantu manorin nain rua husi ESG Lere Anan Timur maka hanesan Sudaryatin no Antonio da Costa.
*
Hakerek Textu : Ekipa LAT Lospalos
Really appreciate
Thanks
Apresiasaun ba manorin kualidade nain 2 nbe tuir ona ICT, espera ktak matenek hirak ne’e bele fahe ba kolegas sira htu para bele hatene no aplika iha ida-idak nia dezempenhu hanorin nian.
Espera katak matenek hirak nebe professores nain 2 hetan bele transfer fali fali ba kolega sira seluk hodi aplika iha sira nia dezempenhu nudar mestre iha ESG LAT.
Diak mestre