Ministério do Ensino Superior, Ciência e Cultura (MESCC) liu husi Diresaun Nasionál Ensinu Superior (DNES) halo peskiza iha eskola ESG. Lere Anan Timur Lospalos iha sexta feira ne’e ( 07/11/2025).
Representante husi MESCC Castro Tavares hateten objetivu husi peskiza ne’e mak atu halo estudu viabilidade konaba estabelesimentu programa estudu turizmu no jestaun viajen no otelária ba Politékniku iha munisipiu Lautem.
“ Ami mai eskola ESG. LAT Lospalos ne’e atu atu halo estudu viabilidade ida hodi bele atualiza fali kurrikulum estudu Turizmu no Jestaun Viajen no Otelária ne’ebe dezenã iha tinan sia (9) ba kotuk, nune’e resultadu ne’ebé ami hetan ne’e bele atualiza fali kurikulum ne’e no ba oin bele loke eskola superior Politékniku iha munisipiu Lautem” nia hateten.
Nia informa katak opiniaun husi estudante potensiál sira ne’e atu fasilita MESCC hodi dezeña programa no kurríkulu ba area indústria turizmu ne’ebé kontestualiza duni ho nesesidade públiku sira iha nasaun ne’e.
“ Opiniaun no espetativa husi estudante potensiál sira importante duni atu tulun ministerio hodi dezenha programa no kurrikulu tuir nesesidade merkadu, estudante no sociedade nian ,” nia informa.
Fatin hanesan Diretur eskola ESG. LAT Lospalos Olandino da Costa Belo, L.Ap. apresia tebes ho aktividade ne’e nune’e estudante sira bele reprezenta nia maluk sira seluk hodi fó sira nia opiniaun konaba importansia estabelese Politekniku Turismu no Hotelaria iha Munisipiu Lautem.
“ Espera katak dados estudu viabilidade nu’udar baze dados atu Estadu no governu bele tetu no foti desizaun tuir interese estudante kbiit laek no sira seluk mak iha vontade atu bele kontinua sira nia estudu iha ensinu superior ,” diretur eskola dehan.
Entretantu partisipante husi peskija ne’e hamutuk estudante nain tolu nulu resin ida (31) kompostu husi estudante 100 ano, 110 ano no 120 ano, mane nain neen (6) no feto nain rua nulu resin lima (25).
*
Hakerek textu : Ekipa ESG. LAT Lospalos
