Durante iha Ezame nasionál ne’e, finalista sira sente difisil ba iha dixiplina Português no Física , tamba pontus balun la koresponde ho matriz ne’ebé distribui ona no profesor disiplina seidauk halo revisaun ho diak.
Maske Ezame nasionál remata ona iha loron kinta feira ne’e(23/10/2025), maibe finalista sira sente preokupa ba materia Português no Fisica, maske antes ne’e, sira preparadu ona ba matriz ne’ebé manorin dixiplina sira fó ona ba sira.
Maske hasoru difikuldade, Estudante finalista eskola secundária ESG. Lere Anan Timur Lospalos sente urgulhu tamba ezame nasionál bele finaliza ona.
Estudante finalista ida husi programa Ciência e Tecnologia (CT ) Nencio dos Santos Hornay sente satisfaz ho ezame nasionál ne’ebé hala’o ona durante loron haat (4 ) nia laran hahu husi segunda to’o kinta feira ne’e maske iha pontu balun maka difisil.
“Ha’u senti satisfaz ho ezame ne’ebé ha’u halo ona, tamba ha’u prepara materia ho diak no professor da disiplina mos sempre halo revisaun, Iha disiplina balun ne’ebé ha’u sente difisil tamba pontus balun la koresponde ho matriz ne’ebé distribui ona no professor seidauk halo revisaun ho diak hanesan dixiplina português no fisica ”,dehan nia.
Iha fatin ne’ebé hanesan estudante finalista husi programa Ciências Sociais e Humanidades (CSH ) Nelina da Costa Loi informa katak sente kontente tanba ezame nasionál remata ona.
“ Ha’u sente kontente tanba pontos ne’ebé sai iha ezame nasional kuase tuir matriz ne’ebé professor fo mai ami, só displina ida deit mak ha’u sente difisil mak Economia e Métodos Quantitativos, pontos ne’ebé sai ,barak mak la koresponde ho matriz “, nia informa.
Parte seluk manorin nain materia Matemática José da Costa Silva informa katak pontos Ezame nasionál ba dixiplina Matemática kuase fasil hotu.
“ Pontos dixiplina Matemática ha’u hare kuase fasil hotu, só ha’u kestiona konaba repetisaun pergunta ba konteudo ida nu’une, fó impaktu ba konteudu seluk ne’ebé mensiona iha matriz la sai iha Ezame nasionál,” nia afirma.
Manorin ne’e akresenta katak, la iha balansu ba persentagem elaborasaun pontus Ezame nasionál ba dixiplina Matematica.
“ Ha’u hakarak subliña katak, pontos Ezame ne’ebé foti husi konteudu 120 ano nian ne’e la iha balansu, husi 20 pontos ne’e só 4 pontos mak foti husi konteudo primeiru periodo, 3 pontos foti husi konteudo segundo periodo no restu 13 pontos foti hotu husi konteudo ba terseiru periodo nian “, nia akresenta.
Entretantu husi total finalista hamutuk 259, finalista 1 mak la tuir ejame nasional hahú husi loron dahuluk to’o loron ikus no finalista nain 2 mak la tuir iha loron dahuluk de’it nune’e sira sei tuir Ezame ba segunda chamada nian ne’ebé sei realiza iha loron 28 to’o 30 fulan Outubru ne’e.
*
Hakerek textu : Ekipa ESG. LAT Lospalos
