• TEMPU OKUPASAUN
Iha tempu okupasaun eskola ida-ne’e hanaran Sekolah Menengah UMUM No. 1 Lospalos. Eskola ida ne’elokaliza iha Aldeia Kuluhun, Suku Fuiloro, Postu Administativu Lospalos, Munisípiu Lautein. Agora daudaun, muda sai Eskola Sekundária Jerál Nino Konis Santana Lospalos.
• TEMPU TRANZISAUN (UNTAET)
Hafoin referendum, eskola ida ne’e harii iha loron 28 fulan Outubru tinan 1999, nu’udar Eskola Sekundária Lospalos No. 1. Lokaliza iha Aldeia Sentrál, oras ne’e daudaun sai fatin ba EBC Centro Lospalos.
• TEMPU UKUN AAN (RDTL)
Husi I Governu to’o III Governu Eskola ida ne’e kontinua hanesan Eskola Sekundária No. 1 de Lospalos. 1, ne’ebé lokaliza iha Aldeia Sentrál. Agora daudaun, ida-ne’e maka EBC Centro.
Iha IV Governu, tuir planu agrupamentu iha nivel ESG, eskola ida ne’e taka no agrupa ho ESG Nino Conis Santana de Lospalos iha inisiu tinan eskolár 2011 nian. Durante tinan rua (períodu 2011-2012) eskola ida-ne’e eliminadu hosi lista ESG iha nivel Nasionál.
Iha V Governu, planu atu agrupa eskola sekundária jerál sira kansela tiha, no Vise Ministru Asuntu Eskola Sekundária, Eskola Sekundária Jerál Lospalos No. 1, reativa ba dala rua ho naran hanesan maibé iha fatin ne’ebé la hanesan. Iha momentu ne’ebá, deside ona atu reativa hikas eskola ne’e iha Aldeia Kuluhun, ka EBC Kuluhun. Eskola ida-ne’e ofisialmente hahú fali nia operasaun iha loron 4 fulan-Abril tinan 2013, lahó edifísiu rasik.
Iha loron 9 Novembru 2015, Eskola Sekundária Jerál Lospalos No. 1 nia naran muda ba “Eskola Sekundária Jerál Lere Anan Timur Lospalos” Serimónia inagurasaun ne’e lidera husi Vise Ministru Pre-Eskolár no Ensinu Báziku no Xefe Estadu Maior F-FDTL, Major Jeneral Lere Anan Timur.
“Eskola Sekundária Jerál Lere Anan Timur Lospalos” oras ne’e hala’o hela operasaun iha edifísiu foun rua iha nia fatin atuál.
