Bazeia enkontru entre Ministériu Edukasaun (ME) liu husi servisu Edukasaun Munisipál Lautem ho diretor sira ESG , ESTV no EBC iha Lautem ne’ebé hala’o iha segunda feira (06/10/2025 ) konaba ezame nasionál ne’ebé sei realiza iha loron 20 – 23 Outrobru 2025 no ezame lokál sei hala’o iha loron 24, 25 no 27 Outobru 2025, tempo hanesan distribui mos númeru ijame nasionál no dadus finalista kada eskola.
Iha enkontru ne’e , Diretur Edukasaun munisipál Lautem, Anibal Fernandes, L.Th. hateten Ministériu Edukasan liu husi servisu edukasaun munisipál Lautem distribui ona númeru ijame nasionál ba diretor eskola sira atu nune’e, hahu halo verifikasaun ba estudante sira molok hakat ba izame nasionál.
Diretur eskola ESG. Lere Anan Timur Lospalos, Olandino da Costa Belo, L.Ap. hateten bazeia inkontru iha segunda feira ( 06/10/2025 ) ho diresaun edukasaun munisipál, katak dados konaba estudante finalista eskola ESG. LAT Lospalos verifika ona.
“ Durante loron 3 nia laran ami konsege verifika ona dadus estudantes finalista ne’ebé la tuir nia Diploma EBC ka sertidaun baztizmu nian, “ nia afirma kuinta feira ne’e (09/10/2025 ) iha nia knaar fatin ESG LAT Lospalos.
Responsavel maksimu eskola ESG. LAT ne’e hatutan dadus ne’ebé relata ona ba Edukasaun Munisipál ne’e hanesan naran ka data moris mak la hanesan ho Diploma Ensino Básico Central ka sertidaun batizmu nian.
“ Dadus ne’e ami relata ona ba diresaun munisipál no ami hein resposta husi sira, nu’une problema ne’e bele resolve molok ezame nasionál realiza”, tenik nia.
Husi finalista hamutuk 259, hetan ona 36 estudantes ne’ebé sira nia dadus la tuir Diploma EBC ka Sertidaun Batizmu, Estudante 36 ne’e kompostu husi 24 estudante programa Ciência Tecnologia (CT ) no 12 estudante sira husi programa Ciência Sociais e Humanidades (CSH).
*
Hakerek Textu : Ekipa LAT Lospalos
