Universidade Nasional Timor Loro sa’e (UNTL) liu husi departementu Formasaun do Professór do Ensino Básico, hala’o vizita iha eskola ESG. Lere Anan Timur Lospalos iha kuinta feira ne’e (13/11/2025 ).
Dosente UNTL, Paul Sarmento Pinto hateten objetivu husi vizita ne’e atu halo supervizaun direitamente konaba professor nia métodu ne’ebé uza iha prosesu aprendizajen.
“ Ha’u mai atu observa direitamente atividade eskola nian, professor no aluno primeiro dia depois loron 12 de Novembru no mos atu husu diretamente ba profesór sira no estudante sira konaba implementasaun métodu hanorin iha aula laran, nu’une ami bele identifika nia vantajen, no desvantajen no iha tempo inkontru ho dekano ka Instituisaun iha ministériu Edukasaun ami bele aprezenta kestaun kada eskola tuir ami nia haree,” dosente hateten.
Paul Sarmento Pinto apresia wainhira kada ensino ne’ebé professor hotu-hotu fó trabalho para casa ba alunos.
“ Iha prátika pedogojika, pontos importante mak metolójio do esnsino professor sira nian, tuir informasaun husi estudantes, professór sira uza ona metodo moderno ne’ebé halo refleksaun, partisipasaun do aluno mos diak ona no fila ba uma iha trabalho de casa. Ha’u mos iha hanoin professor sira tenke iha treinamentu konaba kunhesimentu metodolójia ativa hodi hnorin alunos ho diak,” nia akresenta.
Iha fatin hanesan, diretór eskola ESG. LAT Lospalos Olandino da Costa Belo, L.Ap. apresia no agradese tamba hili Eskola ESG LAT Lospalos atu halo supervizaun hodi rona no observa direita kona-ba métodu ensinu aprendizajen ne’ebé implementa husi profesor sira iha ESG. LAT de Lospalos no situasaun ho kondisaun infraestrutura ne’ebe eziste iha eskola ne’e rasik.
“ Ami apresia no agradese ho vizita ne’e tanba bele rekolla informasaun direita no adekuadu husi professor , alunos no estajiadu sira ne’e belé hala’o sira nia kna’ar estajiu pedagojiku nian no espera katak resultadu ne’ebé rekolha ne’e, bele apresenta kuandu iha enkontru, sira bele fó pareser ba Ministeriu Edukasaun relasiona asuntu pedagojiku no kondisaun infraestrutura atu nune’e Ministériu Edukasaun bele etendente problema ne’e no enkaisa iha planu asaun ministériu nian,” diretór eskola hateten.
Entertantu Universidade Nasional Timor Loro sa’e (UNTL) liu husi departementu Formasaun do Professór do Ensino Básico ne’e, kada tinan sira halo supervizaun ba kada eskola sira iha teritóriu nasionál, hodi hatene vantajen no desvantajen husi kada eskola sira hasoru nune’e, liu husi supervizaun ne’e atu hatene difikuldade sira iha eskola hodi sira bele aprejenta wain hira iha reiniaun hamutuk ho dekano untl nune’e mos, bele aprezenta ba iha ministériu edukasaun hodi hare ba asuntu sira ne’ebé sira halo ona supervizaun iha eskola sira.
*
Hakerek Textu : Ekipa LAT Lospalos
