Estudante husi Eskola Secundária Jeral (ESG) Lere Anan Timur Lospalos hahu ona ijame pasagem tinan 2025 iha loron Segunda feira ne’e (17/11/2025) . Iha loron dahuluk ne’e estudante hamutuk rua nulu (20) la partisipa .
Responsavel ba ijame pasajem Liliana Meol relata katak, iha loron dahuluk ne’e estudante ne’ebe la tuir ijame hamutuk rua nulu (20).
“ Iha ijame ba loron dahuluk ne’e estudante hamutuk rua nulu (20) mak la tuir ijame pasagem , kompostu husi estudante 100 ano sanulu resin lima (15) no estudante 110 ano nain lima (5), husi estudante rua nulu (20) ne’e estudante ida mak nia familia apresenta katak moras , no estudantes 19 seluk la iha informasaun ba komisaun ijame pasajem de klase,” responsavel ijame pasajem ne’e relata.
Diretur eskola ESG. LAT Lospalos , Olandino da Costa Belo, L.Ap. informa katak prosesu ijame terseiru período ne’e la’o diak.
“ Realizasaun ijame pasajen ba klase 100 no 110 ano programa CT no CSH la’o diak tuir kalendariu Ministeriu Edukasaun nian , estudante ho manorin sira tama no sai pontual tuir orariu ne’ebe diretiva eskola estabelese, no estudante sira antusiasmu hodi partisipa ijame ne’e,” diretur informa.
Ijame pasajem ba loron dahuluk ne’e hahu ho dixiplina Matemátika ba programa Ciências e Tecnologias (CT) no Economia e Métodos Quantitativos ba programa Ciências Sociais e Humanidades (CSH) no tuir mai dixiplina jerál Inglês.
Entretantu ijame pasagem ne’e hala’o durante semana ida, hahu husi loron segunda feira semana ne’e, (17/11/2025) no sei termina iha loron sabadu (22/11/2025 ). Total partisipante ba ijame pasajem tinan 2025 ne’e, hamutuk estudante nain atus haat tolu nulu resin haat (434) kompostu husi estudante 100 ano hamutuk atus ida hitu nulu resin ualu (178) no estudante 110 hamutuk atus rua lima nulu resin neen (256). Husi númeru estudantes ne’e, sira utilija sala de aula hamutuk 15 , ne’ebe kada sala priense estudantes rua nulu resin sia (29) , misturadu husi estudante 100 ano no estudante 110 ano.
*
Hakerek Textu : Ekipa ESG. LAT Lospalos
