Estudante nain tolu husi Eskola Secundáriu Jerál Lere Anan Timur Lospalos (ESG LAT) ne’ebé ausente iha Ijame Nasionál ba primeira xamada nian, tuir fali Ijame segunda xamada ne’ebé hala’o iha Salaun Edukasaun Munisípiu Lautém hamutuk ho estudante husi ESG. Fernando Lasama Luro iha Tersa feira ne’e (18/11/2025).
Tuir informasaun husi Diretór Eskola Secundáriu Jerál LAT Lospalos, Olandino da Costa Belo, L.Ap. estudante tolu ne’e mak kompostu husi programa Ciências no Teknologias (CT) nain rua no Ciências Sociais no Humanidade (CSH) nain ida.
“ Estudante sira ne’ebe la tuir ijame iha primeira xamada, tanba moras, nain 1 husi programa CT mak la tuir segunda hora ba materia Inglês depois nain 1 husi programa CT la tuir materia 2 mak Ekonomia no Métodus Kuantitativos no Inglês no nain 1 husi programa CSH la tuir materia tomak, “ diretur eskola informa.
Iha nivel munisípiu, Diretór Edukasaun Munisípiu Lautém, Aníbal Fernandes , L.Th. hateten katak total estudante ne’ebé tuir Exame Nasional tinan ne’e hamutuk 2.921, inklui estudante husi Ensino Básiku, Ensino Secundáriu Jerál no Tékniku Vokasionál.
“Total estudante sira ne’ebe la partisipa ijame nasional iha primeira xamada nian hamutuk ema nain 21 kompostu husi EBC ema nain 7, ESG nian 4 no ESTV nain 10. Tamba ne’e Ministeriu Edukasaun deside hodi fó oportunidade ba estudante sira ne’e atu tuir fali ijame nasionál iha faze segunda xamada nian,” hateten Diretór Edukasaun Munisípiu Lautém.
Enkuantu husi total estudante hirak ne’e Servisu Edukasan Munisipal Lautem mos konfirma katak nain lima (5) mak tuir ijame ba segunda xamada , nain haat hala’o ijame segunda xamada iha Lautém no ida fali husi ESTV hala’o iha Dili tamba kestaun saúde no estudante seluk konfirma ona la kontinua eskola.
Ijame segunda xamada iha Lautém kontinua hala’o durante loron tolu hahu husi Tersa feira (18/11/2025 ) to’o Kuinta feira ( 20/11/2025 ) tuir regulamentu Edukasaun Nasional atu garantia estudante sira konklui materiál ne’ebé lakon iha periodu primeira xamada.
*
Hakerek Textu : Ekipa ESG. LAT Lospalos
ESTUDANTE ESG LAT NB MAK LA TUIR EXAME NACIONAL BA PRIMEIRA CHAMADA MAK NAIN TOLU 2 HUSI CT HO NUMERU EXAME LT.20303 HO LORDIANO L.RATU DA COSTA BA MATERIA INGLES NO NUMERU EXAME LT.20305 HO NARAN MONALISA DA COSTA BA MATERIA HOTU-HOTU LA TUIR TAMBA MORAS NO BA PROGRAMA CSH NAIN IDA HO NUMERU EXAME LT.20442 HO NARAN MARCIANA MARIA SOARES BA MATERIA ECONOMIA NO INGLES PROF. TAMBA MORAS.PROF