JPD – ESG. LAT Lospalos, 3 Juñu 2026_ Ministériu Turismu no Ambiente liu husi Diresaun Nasionál Ambiente Centru Edukasaun no Informasaun Ambiental (CEIA) hala’o abertura ba selebrasaun loron mundial Ambiente loron 5 Juñu 2026, ho tema prinsipal kona-ba “ Proteje Tasi Liu husi Tara Bandu ba Futuru ne’ebe Sustentavel” , Tersa feira ne’e (03/06/2026) iha Salaun enkontru Eskola Sekundária Jeral Nino Konis Santana Lospalos .
Iha abertura , Xefe Departementu CEIA, Leonito G. Dos Santos, hateten loron mundial Ambiente ba nivel Nasional iha tinan ida ne’e hala’o iha munisipio Lautem ne’ebe hahu ohin abertura no remata iha loron 8 Juñu 2026.
“ Atu selebra loron mundial Ambiente sei hahu ho atividade Sensibilizasaun Edukasaun Ambiental ba Programa Eskola Azul no iha atividade kompetisaun hanesan certame, pintura, dansa kultural no karavana lao ain. Atividade kompetisaun ne’e la’os deit atu hadau malu premiu maibe atu fanun jerasaun foun nu’udar kontinuador hodi fó atensaun nafatin ba ita nia rai no tasi,” nia hateten.
Iha biban ne’e, Superintendente Edukasaun Munisipu Lautem, Ermelinda Pereira, apela ba konkorente sira atu partisipa ho diak aktividade ne’ebe ekipa nasional organiza.
“ Husu ba konkorente sira atu bele tau importansia ba aktividades ne’e ho diak nune’e bele kompete iha aktividades ne’ebe ekipa husi Nasional organiza no informasaun ne’ebe hetan iha perante sensibilizasaun ne’e bele habelar ba maluk sira seluk,” tenik nia.
Iha fatin hanesan, reprezentante estudante husi ESG. Lere Anan Timur (LAT) Lospalos, Rafael da Costa, agradese no bele hasae kuñesimentu konaba protesaun no konservasaun ambiente.
“Agradese ba ekipa ne’ebe bele organiza aktividade ne’e , nune’e ami bele partisipa no liu huusi aktividades ida ne’e, bele hasa’e ami nia kuñesimentu konaba protesaun no konservasaun ambiente ba ita nia biodivversidade ne’ebe moris iha tasi laran,” katak nia.
Entretantu iha abertura ne’e, partisipa ema nain ualu nulu resin rua (82) husi eskola 7 ne’ebe kompustu husi eskola ESG. LAT Lospalos, ESG. Nino Konis Santana Lospalos, Escola CAFE Lospalos, eskola ESTV No. 1 Lospalos, eskola ESTV No. 2 de Lospalos, eskola Don Bosco Fuiloro no eskola EBC. Kuluhun.
*
Hakerek textu : Ekipa ESG. LAT Lospalos
Leave a Reply